İtaliyanın Kataniya Universitetinin arxeoloqları Azərbaycanın Ağstafa rayonundakı son tunc dövrünə aid “Tava-təpə” qədim yaşayış məskənində keramik qab və 3500 il yaşı olan ayin masası tapıblar.
AZƏRTAC “Heritage Daily” portalının saytında dərc edilmiş məqaləyə istinadla xəbər verir ki, alimlərin fikrincə, “Tava-təpə” Kür çayı hövzəsi ilə Qafqaz dağları arasında məskunlaşan köçəri tayfalar üçün istirahət məkanı ola bilərdi.
Məqalədə bildirilir ki, qazıntılar zamanı ayin süfrəsi və yaxşı qorunub saxlanmış keramika qabları, o cümlədən manqal üçün gövdələr olan dairəvi gil konstruksiya aşkar edilib.
Qazıntı sahəsinə səpələnmiş kasa və digər bişmiş keramika qablarının qırıqları burada qalan qədim köçərilərin yeməklərini keramika qablarda bişirdiyini göstərir.
Alimlərin fikrincə, konstruksiyaya giriş əvvəlcə taxta dirəklərlə təmin edilib, damı isə tamamilə samanla örtülüb. Perimetr boyunca sütun çuxurları strukturun ölçüsünü hesablamağa imkan verir; onun diametri təxminən 15 metr olub.