Tbilisidə xarici agentlərlə bağlı qanun layihəsinə etiraz edən aksiya iştirakçıları parlamentin pəncərəsinə tüstü bombası atıblar. Bu barədə TASS-ın müxbiri hadisə yerindən məlumat verib.
Parlamentin birinci mərtəbəsinin pəncərəsi altında cəmləşən nümayişçilər əvvəlcə şüşəni sındıraraq müxtəlif əşyalar atmağa başlayıblar. Daha sonra ora tüstü bombası atmaq qərarına gəliblər. Bəzi etirazçılar bu fikirlə razılaşmayıblar.
Hələlik parlamentdə vəziyyət nisbətən sakitdir. Rustaveli prospektində qanunverici orqanın qarşısındakı meydan boşdur. Etirazçıların əsas hissəsi parlamentin xidməti girişinin yerləşdiyi 9 Aprel küçəsində cəmləşib. Etirazçılar xidmətin giriş qapısını zibil qutuları və tikinti materialları ilə bağlayıblar. Qanunverici orqanın həyətində yerləşdirilmiş xüsusi təyinatlılar arabir nümayişçilərə qarşı su, bibər qazı və gözyaşardıcı qazdan istifadə edirlər. (Tass)
