TASS-ın müxbiri hadisə yerindən xəbər verir ki, Tbilisidə yenidən parlament binası yaxınlığında xarici agentlər haqqında qanun layihəsinə etiraz aksiyası keçirilir.
Bir neçə yüz mitinq iştirakçısı parlamentin binanın arxasında yerləşən xidməti girişinə toplaşıb. Onlar bəyan edirlər ki, bu gün keçirilən plenar iclasda birinci oxunuşda təşəbbüs dəstəklənməməlidir. Etirazçılar fit çalaraq, əllərində xarici agentlər haqqında qanuna zidd plakatlar tuturlar.
Parlament sarı təhlükəsizlik səviyyəsini tətbiq edib ki, bu da kənar şəxslərin qanunverici orqana baş çəkməsinə qadağa qoyulmasını nəzərdə tutur. Qadağa telekanalların nümayəndələrinə şamil edilmir. Parlamentin qarşısında ağır polis dəstələri növbə çəkir.
Bazar ertəsi səhər saatlarında xarici agentlər haqqında qanun layihəsi parlamentin hüquq məsələləri komitəsində birinci oxunuşda dəstəklənib. Təşəbbüsün müzakirəsi ilə paralel olaraq parlamentin divarları yaxınlığında aksiya keçirilib və bu aksiya zaman-zaman polislə əlbəyaxa davaya çevrilib. Hüquq-mühafizə orqanlarının əməkdaşları 14 nəfəri inzibati qaydada saxlamalı olublar.
(Tass)