ABŞ diplomatik kanallar vasitəsilə İrandan Fələstin-İsrail münaqişəsinə qarışmamasını istəyib. Bunu İslam Respublikası Xarici İşlər Nazirliyinin rəhbəri Hüseyn Əmir Abdullahiyan Azərbaycan, Ermənistan, İran, Rusiya və Türkiyə xarici işlər nazirləri səviyyəsində “3+3” formatında görüşdən sonra keçirilən mətbuat konfransında deyib.
“Amerikalılar bizə ən azı iki dəfə mesaj göndərdilər ki, orada iki əsas məqam var. Onlar [Fələstin-İsrail] münaqişə zonasından kənarda hərbi əməliyyatların yayılmasında maraqlı olmadıqlarını vurğuladılar və İrandan təmkin nümayiş etdirməsini istədilər”, – IRNA xəbər agentliyi nazirdən sitat gətirib.