ABŞ Rusiyaya Alyaskada nadir torpaq minerallarının işlənməsini təklif etmək niyyətindədir. “The Daily Telegraph” yazır ki , Amerika lideri Donald Tramp Alyaskada keçiriləcək sammit zamanı Rusiya prezidenti Vladimir Putinə belə bir razılaşma təqdim etməyə hazırlaşır.
Qəzetin mənbələrinə görə, Amerika liderinin digər təklifi Rusiyada mülki aviasiya təyyarələrinə xidmət üçün ehtiyat hissələri və avadanlıqların tədarükünə qoyulan qadağanın aradan qaldırılmasını nəzərdə tutur. The Daily Telegraph qeyd etdiyi kimi, belə bir sövdələşmə Amerikanın Boeing konserni üçün çox sərfəli ola bilər.
Nəşr adı açıqlanmayan Britaniya hökumət rəsmisinə istinadən yazır ki, bu cür təkliflər “yəqin ki, Avropa üçün məqbul ola bilər”. (Tass)