Texasın paytaxtı Ostin şəhərində Amerika hakimiyyətinin immiqrasiya siyasətinə qarşı etiraz aksiyalarının 10-dan çox iştirakçısı saxlanılıb. Bu barədə ştatın qubernatoru Qreq Ebbot məlumat verib.
“Ostində ondan çox etirazçı Ostin Polis Departamenti və Texas İctimai Təhlükəsizlik Departamenti tərəfindən həbs edildi” deyə X-də yazıb.
The Texas Tribune-nin məlumatına görə , bazar ertəsi bir neçə yüz nümayişçi Ostinin mərkəzində toplaşıb. Tədbir əsasən dinc şəraitdə keçib. Lakin təşkilatçılar yürüşün başa çatdığını elan etdikdən sonra bəzi etirazçılar dağılışmaqdan imtina ediblər. Polis gözyaşardıcı qazdan istifadə edərək onları dağıdıb.
Dallasda da etiraz aksiyaları keçirilib. CNN-in məlumatına görə, yerli polis bir aksiya iştirakçısını saxlayıb. (Tass)