The Times qəzetinin məlumatına görə , Böyük Britaniya Müdafiə Nazirliyi hərbi bazaları və vacib infrastrukturu dron hücumlarından qorumaq üçün DragonFire istiqamətləndirilmiş enerjili lazer silahından istifadə etməyi planlaşdırır.
Onun sözlərinə görə, Müdafiə Nazirliyi lazer silahlarının hava hücumundan müdafiə sistemlərinə necə inteqrasiya olunacağını təhlil edir.
Nəşr həmçinin bildirir ki, Kral Dəniz Qüvvələrinin 45-ci tipli esminetsləri 2027-ci ildən etibarən DragonFire sistemləri ilə təchiz olunacaq. 2025-ci ilin noyabr ayında Avropa müdafiə şirkəti MBDA-nın Britaniya bölməsi Böyük Britaniya hökumətindən ölkənin donanmasını lazer sistemləri ilə təchiz etmək üçün 316 milyon funt sterlinq (425 milyon dollar) dəyərində müqavilə alıb.
Lazer sisteminin hər atış üçün cəmi 10 funt sterlinqə başa gəldiyi və bir kilometr məsafədən bir funtluq sikkəni vurmaq üçün kifayət qədər dəqiq olduğu vurğulanır. Müdafiə Nazirliyi bu metodu ənənəvi raket sistemlərindən daha səmərəli adlandırır. Hər bir Sea Viper raketinin buraxılışının 1 milyon funt sterlinqə başa gəldiyi təxmin edilir. (Tass)