Qazaxıstan Prezidenti Kasım-Jomart Tokayev Mərkəzi Asiya ölkələri ilə BMT arasında sıx qarşılıqlı əlaqənin inkişaf etdirilməsini zəruri hesab edir.
Avqustun 9-da Astanada regionun beş ölkəsinin liderlərinin 6-cı məşvərət görüşü baş tutub. Azərbaycan Prezidenti İlham Əliyev və BMT-nin Mərkəzi Asiya üçün Preventiv Diplomatiya üzrə Regional Mərkəzinin rəhbəri Kaxa İmnadze tədbirə fəxri qonaq qismində qatılıblar.
“21-ci əsrdə Mərkəzi Asiyanın inkişafı naminə dostluq, mehriban qonşuluq və əməkdaşlıq haqqında Müqavilə xüsusi əhəmiyyət kəsb edir ki, çoxtərəfli strukturlar çərçivəsində, ilk növbədə, BMT vasitəsilə dövlətlərimiz vahid yanaşmalar əsasında fəaliyyət göstərməlidir. Ölkələrimizin ümumi potensialını nəzərə alaraq, biz Dayanıqlı İnkişaf Gündəliyinin həyata keçirilməsinə mühüm töhfə verə bilərik”, – deyə Tokayev iclasda bildirib.
Dövlət başçısı bu təşəbbüsü dəstəkləyərək BMT-nin 80 illik yubileyi münasibətilə BMT Baş Assambleyasının Mərkəzi Asiyada dayanıqlı inkişaf məqsədlərinə nail olunmasına dair qətnamənin qəbuluna təşəbbüs göstərməyi təklif edib. “Ümid edirəm ki, BMT-nin Ali Nümayəndəsi Kaxa İmnadzenin sammitimizdə iştirakı yaxşı ənənəyə çevriləcək və Mərkəzi Asiya ilə BMT arasında daha sıx əməkdaşlığın başlanğıcı olacaq”, – onun mətbuat xidməti Qazaxıstan prezidentinin sözlərindən sitat gətirir. (Tass)