ABŞ prezidenti Donald Tramp mediada mümkün ticarət razılaşması ilə bağlı xəbərlərin ardınca 8 Mayın ABŞ və Böyük Britaniya üçün əlamətdar gün olacağını deyib.
“Bu, Amerika Birləşmiş Ştatları və Böyük Britaniya üçün çox böyük və həyəcanlı bir gün olmalıdır” deyə o, X sosial media səhifəsində yazıb.
Ağ Ev rəhbəri həmçinin xatırladıb ki, cümə axşamı daha sonra onun iştirakı ilə mətbuat konfransı keçiriləcək.
Bundan əvvəl “The New York Times” (NYT) öz mənbələrinə istinadən yazıb ki, ABŞ prezidenti Donald Tramp mayın 8-də Böyük Britaniya ilə ticarət sazişi elan etməyi planlaşdırır.Bu, Vaşinqtonun tariflərin tətbiqindən sonra bağladığı ilk ticarət sazişi olacaq. ABŞ və Böyük Britaniya arasındakı razılaşmanın təfərrüatları hələlik məlum deyil. NYT etiraf edir ki, tərəflər əvvəlcə çərçivə razılaşmasını elan edəcəklər, sonra isə müqavilənin yekun şərtləri üzərində işləməyə davam edəcəklər. (Tass)