ABŞ-ın keçmiş lideri, yenidən prezidentliyə namizədliyini irəli sürən Donald Tramp ABŞ-ın iradəsini və əvvəlki gücünü itirdiyini bildirib.
Tramp bazar günü Nyu-Hempşir ştatında tərəfdarları qarşısında çıxışı zamanı deyib: “Biz tənəzzülə uğramış bir ölkəyik, inamı, iradə və gücü itirmiş bir ölkəyik. Biz sadəcə olaraq yolunu azmış bir ölkəyik”.
O, söz verib ki, 2024-cü ilin noyabrında keçiriləcək prezident seçkilərində qalib gəlsə, ABŞ “yenidən böyük ölkəyə çevriləcək”. “Biz Amerika üçün heç kimin etmədiyi kimi mübarizə aparacağıq. 2024-cü il son döyüşümüz ili olacaq”, – Tramp söz verib.
Yanvarın 23-də Nyu-Hempşir ştatında Respublikaçıların ilkin seçkiləri keçiriləcək. Nikki Heyli biznesmen Vivek Ramasvami, Nyu Cersi və Arkanzas ştatlarının keçmiş qubernatorları Kris Kristi və Asa Hatçinson və Florida qubernatoru Ron DeSantisin yarışdan geri çəkilməsindən sonra Respublikaçılar Partiyasından prezidentliyə namizədlik uğrunda mübarizədə Trampın əsas rəqibidir. Ramasvami və DeSantis mübarizədən çəkildiklərini elan etdikdən dərhal sonra Trampı dəstəklədiklərini bildiriblər. (Tass)