Birləşmiş Ştatlar Qəzza zolağında atəşkəs rejiminin yaradılması və Fələstin anklavında saxlanılan girovların azad edilməsi ilə bağlı razılaşmanın bağlanmasına yaxınlaşıb. Bu barədə ABŞ prezidenti Donald Tramp bəyan edib.
O, Ağ Evdə Qabon, Qvineya-Bisau, Liberiya, Mavritaniya və Seneqal liderləri ilə görüşdə jurnalistlərin suallarını cavablandırarkən deyib: “Mən sizə deyəcəyəm ki, biz [Qəzza ilə bağlı] razılaşmaya çox yaxınıq. “Biz atəşkəs, sülh və girovların qaytarılmasını istəyirik və inanıram ki, buna yaxınıq”.
Amerika lideri əlavə edib ki, “bu həftə və ya gələn həftə” razılığın əldə olunması üçün “çox yaxşı şans var”.
İyulun 6-da Fələstinin radikal HƏMAS hərəkatı və İsrail Misir, Qətər və ABŞ-ın vasitəçiliyi ilə Dohada Qəzza zolağında atəşkəs və anklavda saxlanılan israilli girovların azad edilməsinə dair danışıqlar prosesini bərpa edib. İsrail tərəfinin son məlumatına görə, radikallar Qəzza zolağında 20 diri qaçırılan və 30 ölü girovun cəsədini saxlamağa davam edir.