Amerika qoşunlarının Əfqanıstandan biabırçı şəkildə çıxarılması ABŞ-ın hazırkı administrasiyasının zəifliyi və səriştəsizliyi sayəsində mümkün olub. Bu fikri Respublikaçılar Partiyasından prezidentliyə namizəd Donald Tramp deyib.
“ABŞ vitse-prezidenti Kamala Harris və korrupsioner [ABŞ lideri] Co Baydenin zəifliyi və səriştəsizliyi ölkəmizin tarixində ən alçaldıcı hadisəyə və bütün dünya tarixində ən böyük hərbi fəlakətlərdən birinə səbəb oldu. Onların Əfqanıstandan fəlakətli geri çəkilmələrinin dəhşətli görüntülərini heç kim heç vaxt unutmayacaq”, o, Şimali Karolinadakı tərəfdarlarına deyib.
Tramp 13 iyul sui-qəsd cəhdindən sonra ilk dəfə qarşısına qoruyucu şüşə qoyularaq açıq məkanda danışıb. (Tass)
