ABŞ prezidenti Donald Tramp Ukraynadakı münaqişənin həll oluna biləcəyinə ümid etdiyini, eyni zamanda “oxşar fəlakətlərin” qarşısının alınmasına görə məsuliyyəti Avropanın üzərinə qoyub.
O, NATO sammitindən sonra Haaqada keçirilən mətbuat konfransında deyib: “Avropa öz təhlükəsizliyi üçün daha çox məsuliyyət götürsə, bu, Rusiya və Ukrayna ilə bağlı dəhşətli vəziyyət kimi gələcək fəlakətlərin qarşısını almağa kömək edəcək. Ümid edirəm ki, biz bu problemi həll edə bilərik”.
Sammit iştirakçılarının blok ölkələrinin müdafiə xərclərini ÜDM-in 5%-ə çatdırmaq qərarına münasibət bildirən Tramp “bu əlavə vəsaitlərin çox ciddi hərbi texnikaya xərclənməsinə əmin olmağın” vacibliyinə diqqət çəkib. “Bürokratiya ilə bağlı deyil və ümid edirəm ki, bu avadanlıq Amerikada istehsal olunacaq”, – Ağ Evin sahibi əlavə edib. (Tass)