Frankfurter Allgemeine Zeitung qəzeti mənbələrə istinadən xəbər verir ki, ABŞ prezidenti Donald Tramp son həftələrdə Hindistanın baş naziri Narendra Modi ilə telefonla danışmağa dörd cəhd edib, lakin sonuncu danışmaqdan imtina edib.
Nəşr xatırladıb ki, Tramp bundan əvvəl Hindistanı 25% ixrac rüsumları ilə şoka salıb və onu “ölü iqtisadiyyat” adlandırıb. Müəlliflər hesab edirlər ki, “Modinin təhqir olunduğunu hiss edən əlamətlər var”. Onların fikrincə, Trampla telefonla danışmaq istəməməsi Hindistanın baş nazirinin Ağ Ev rəhbərinin hərəkətlərindən nə qədər əsəbi olduğunu göstərir.
Məqalədə qeyd olunur ki, Hindistanda Trampa münasibət xeyli dəyişib, o cümlədən Pakistanla münasibətləri inkişaf etdirmək istəyi ilə bağlı verdiyi açıqlamalara görə.
Hindistan və ABŞ fevral ayında Modinin Vaşinqtona səfərindən sonra hərtərəfli ticarət sazişi üzrə danışıqlara başlayıb. İki ölkə 2030-cu ilə qədər ikitərəfli ticarət həcmini iki dəfə artıraraq 500 milyard dollara çatdırmağı hədəfləyir. Sazişin payızda imzalanması gözlənilirdi. Hindistan nümayəndə heyəti razılaşmanı müzakirə etmək üçün bir neçə dəfə Vaşinqtona səfər edib. Avqustun 25-də danışıqların altıncı raundu üçün Hindistana səfəri planlaşdırılan ABŞ nümayəndə heyəti ləğv edilib. (Tass)