ABŞ prezidenti Donald Tramp əmin edib ki, vaxtilə yetkinlik yaşına çatmayanları zorlamaqda və bu qəbildən olan digər ağır cinayətlərdə təqsirli bilinən və bir neçə il əvvəl intihar edən iri amerikalı maliyyəçi Cefri Epşteynin işi ilə bağlı əlavə məlumatların dərcinə etiraz etmir. Eyni zamanda Amerika lideri dəqiqləşdirib ki, bu cür məlumatlar etibarlı olmalıdır.
Ağ Evin Cənub Qazonunda jurnalistlərə açıqlama verən Tramp Epstein davasında şəffaflıq görmək istədiyini bildirib. “Mən də bunu görmək istərdim”, – ABŞ prezidenti şəffaflıqla bağlı sualı cavablandırarkən deyib. “Ancaq etibarlılıq çox vacibdir. Bu şeylərlə bağlı mötəbər sübutlara ehtiyacınız var”, – Tramp deyib.
Prezidentin sözlərinə görə, o, ABŞ-ın baş prokuroru Pam Bondinin bu məsələ ilə bağlı əlavə qərarlar verməsinin tərəfdarıdır. “O, özü qərar verməlidir. Etibarlı hesab etdiyi hər şeyi ictimaiyyətə açıqlamalıdır”, – ABŞ prezidenti deyib. O, Bondinin adının Epşteyn işində çəkilib-keçirilməməsinə aydınlıq gətirib-gətirmədiyi sualına mənfi cavab verib. “Xeyr, yox” deyib Tramp. (Tass)