ABŞ prezidenti Donald Tramp hesab edir ki, Qəzza zolağında İsrail ilə Fələstinin radikal HƏMAS hərəkatı arasında münaqişənin həllində irəliləyiş yaxın ayda mümkündür.
O, Birləşmiş Ərəb Əmirliklərindən ABŞ-a gedərkən “Air Force One” təyyarəsində jurnalistlərə deyib: “Düşünürəm ki, növbəti ay ərzində çox yaxşı şeylər baş verəcək. Biz də fələstinlilərə kömək etməliyik. Bilirsiniz, Qəzzada çoxlu insan aclıqdan ölür, ona görə də biz hər iki tərəfə baxmalıyıq. Biz əlimizdən gələni edəcəyik”. Yayımı Ağ Evin mətbuat xidməti aparıb. (Tass)