ABŞ prezidenti Donald Tramp hesab edir ki, İranla İslam Respublikasının nüvə proqramı ilə bağlı danışıqlar düzgün istiqamətdə gedir. Bu barədə Ağ Evin mətbuat katibi Karolin Levitt jurnalistlər üçün keçirdiyi növbəti brifinqdə bildirib.
O qeyd edib ki, Tramp bundan əvvəl İsrailin baş naziri Benyamin Netanyahu ilə telefonda danışıb və onlar Vaşinqtonda İsrail səfirliyinin iki əməkdaşının öldürülməsini müzakirə ediblər. “Lakin onlar (iki ölkənin liderləri ) prezidentin fikrincə, düzgün istiqamətdə hərəkət edən İranla potensial sövdələşmədən də danışıblar”, – Leavitt qeyd edib. (Tass)