ABŞ-da prezident seçkilərində qalib gələn respublikaçı Donald Trampın komandası Ukrayna münaqişəsinin həlli üçün yeni plan hazırlayır. Bu barədə The Wall Street Journal (WSJ) məlumat yayıb.
“Biz [Ukrayna hərbçilərinə) məşq keçə bilərik və ya başqa dəstək verə bilərik, lakin [Ukraynaya tədarük edilən] silahlar avropalı olacaq. Biz amerikalı kişi və qadınları Ukraynada sülhü qorumaq üçün göndərmirik və bunun üçün pul ödəmirik. Polyaklar, almanlar, britaniyalılar və fransızlar bununla məşğul olurlar”, – nəşr Trampın komandasının üzvlərindən birinin sözlərini yazır.
Qəzetin yazdığına görə, Trampın müşavirləri real cəbhə xətti boyunca 1,3 min kilometr uzunluğunda silahsızlaşdırılmış zona yaratmaq istəyirlər, eyni zamanda ABŞ öz sülhməramlı qüvvələrini ora göndərməyəcək. Ukrayna ən azı 20 il NATO-ya üzv olmamağı öhdəsinə götürməlidir. Nəşr yazır ki, bunun müqabilində Vaşinqton gələcəkdə münaqişənin bərpasının qarşısını almaq üçün Kiyevi silahla təmin edəcək. (Tass)