ABŞ prezidenti Donald Tramp axşam saatlarında Almaniya kansleri Fridrix Merzə zəng edərək Rusiya prezidenti Vladimir Putinlə ABŞ liderinin xüsusi nümayəndəsi Stiven Vitkoff arasında Moskvada keçirilən görüş barədə məlumat verib. Bu barədə “Bild” qəzeti öz mənbələrinə istinadən məlumat yayıb.
“Bild-in məlumatına görə, Tramp Merz-ə telefonla Vittkoff və Putin arasında söhbətin gözlənildiyindən daha məhsuldar olduğunu deyib”, – nəşr qeyd edib.
Bundan əvvəl Rusiya dövlət başçısının köməkçisi Yuri Uşakov jurnalistlərə bildirib ki, Vitkoff avqustun 6-da səhər saatlarında Putin tərəfindən qəbul edilib. Faydalı və konstruktiv söhbət olub, Uşakov qeyd edib. Onun sözlərinə görə, Rusiya tərəfi Ukrayna məsələsi ilə bağlı bəzi siqnallar verib və Trampdan müvafiq siqnallar alıb.