Respublikaçılar Partiyasından prezidentliyə namizəd olan ABŞ-ın keçmiş prezidenti Donald Tramp bildirib ki, onun Mar-a-Laqo malikanəsində İsrailin baş naziri Binyamin Netanyahu ilə görüşü sonuncunun xahişi ilə iyulun 26-na təxirə salınıb.
Əvvəlcə Amerika administrasiyasının keçmiş rəhbəri “sabah Benyamin Netanyahu ilə görüşməyi səbirsizliklə gözlədiyini” bildirsə də, bir neçə dəqiqədən sonra tarixi cümə axşamına düzəldib və bundan sonra İsrail rejimi ilə danışıqların tarixinə daha bir düzəliş edib. “Binyamin Netanyahunun xahişi ilə biz Mar-a-Laqoda keçiriləcək görüşün tarixini 26 iyul Cümə gününə dəyişdik”, o, Truth Social-da yazıb.
Netanyahu bu həftə Vaşinqtona gələcək. Onun ABŞ prezidenti Co Bayden və vitse-prezident Kamala Harrislə görüşü, həmçinin çərşənbə günü ABŞ Konqresində ifadə verməsi planlaşdırılır. (Tass)