İran və İsrail arasında atəşkəs elan etməzdən əvvəl ABŞ prezidenti Donald Tramp İsrailin baş naziri Benyamin Netanyahuya zəng edərək bütün hərbi əməliyyatların dayandırılmasını tələb edib, çünki Tehran artıq “əhəmiyyətli dərəcədə zəifləyib”. Bu barədə NBC News Ağ Evin yüksək rütbəli rəsmisinə istinadən məlumat yayıb.
Telekanaldakı mənbənin sözlərinə görə, “Daha müharibə yoxdur, daha döyüş yoxdur. İranlılar əhəmiyyətli dərəcədə zəifləyiblər” deyib.
Eyni zamanda, ABŞ prezidentinin Milli Təhlükəsizlik Qrupu vasitəçilər vasitəsilə İrana mesajlar göndərərək ondan da İsrailə zərbə endirməkdən çəkinməyi və atəşkəslə razılaşmağı tələb edib. Telekanalın məlumatına görə, bundan əvvəl Tramp Qətər əmiri Şeyx Təmim bin Həməd Al Taniyə zəng edərək, atəşkəsə nail olmaq üçün Tehrana təsir göstərməsini istəyib. NBC News-un qeyd etdiyi kimi, ABŞ prezidenti hər iki tərəfi tezliklə atəşkəsin zəruriliyinə inandıra bilib.