ABŞ-ın keçmiş prezidenti Donald Tramp İsrailin baş naziri Benyamin Netanyahu ilə görüşündə yenidən seçiləcəyi təqdirdə Yaxın Şərq regionunda sülhün bərqərar olması üçün mümkün olan hər şeyi edəcəyinə söz verib.
“Tramp oktyabrın 7-də törədilən dəhşətli hücumdan sonra İsraillə həmrəyliyini ifadə edib və söz verib ki, Ağ Evə qayıdanda Yaxın Şərqə sülh gətirmək üçün əlindən gələni edəcək”, – Tramp kampaniyasının bəyanatında deyilir. Bundan əlavə, Ağ Evin keçmiş sahibi Amerika kolleclərində antisemitizmlə mübarizə aparacağını vəd edib.
İsrail hökumətinin başçısı iyulun 22-də ABŞ-a uçub. O , bu həftənin əvvəlində Vaşinqtonda Konqresdə çıxış edib və Co Bayden və vitse-prezident Kamala Harrislə ayrı-ayrılıqda danışıqlar aparıb. Netanyahu Trampın dəvəti ilə cümə günü Floridaya gəlib. (Tass)