ABŞ Tehranın inkişaf edən nüvə proqramına görə İrana hücum etməyə tələsmir. Bunu ABŞ prezidenti Donald Tramp Ağ Evdə jurnalistlərin suallarını cavablandırarkən deyib.
Ondan İslam Respublikasına nüvə proqramına görə hücum ehtimalına münasibət bildirməsi istənilib. “Mən deməzdim ki, bu variantı rədd etmişəm. Bunu etməyə tələsmirəm, çünki inanıram ki, İranın böyük bir ölkə yaratmaq və ölümlər olmadan xoşbəxt yaşamaq şansı var. Mən bunu görmək istərdim. Bu, birinci variantdır. İkinci variant baş tutsa, İran üçün çox pis olacaq. Məncə, İran danışmaq istəyir. Ümid edirəm ki, onlar dövlətin başçılığı ilə danışmaq istəyirlər” qeyd edib. (Tass)