ABŞ prezidenti Donald Tramp hesab edir ki, OPEK-in neftin qiymətini aşağı salması avtomatik olaraq Ukraynadakı münaqişənin sona çatmasına gətirib çıxara bilər. Amerika lideri bu barədə müvafiq bəyanatı Helen qasırğasının nəticələrinin aradan qaldırılmasında irəliləyişlə tanış olacağı Aşevilə (Şimali Karolina ştatı) gələrkən jurnalistlərlə söhbəti zamanı verib.
“Biz istərdik ki, OPEK neft qiymətlərini aşağı salsın və bu, Ukraynada baş verən faciəni avtomatik dayandıracaq”, – Tramp deyib. Onun fikrincə, “[münaqişəyə] son qoymağın sürətli yolu OPEC-in bu qədər pul qazanmağı dayandırması və neftin qiymətini aşağı salmasıdır”. “Əgər onlar [neft qiymətləri] yüksək olarsa, bu münaqişəni dayandırmaq o qədər də asan olmayacaq”, – Tramp bildirib. (Tass)