Birləşmiş Ştatlar Qəzza sektorunu satın ala, nəzarəti ələ keçirə və sonra ərəb ölkələrinin köməyi ilə yenidən qura bilərdi. Bunu ABŞ Prezidenti Donald Tramp öz təyyarəsində jurnalistlərlə söhbəti zamanı bir daha bəyan edib.
Associated Press Trampın sözlərindən sitat gətirir: “Mən Qəzzanı almağa və ona sahib olmağa sadiqəm. Onu yenidən qurmağa gəldikdə, biz Yaxın Şərqdəki digər ölkələrə onun hissələrini bərpa etmək imkanı verə bilərik. Digər insanlar bunu bizim himayəsi altında edə bilər”.
Prezident vurğulayıb ki, ABŞ Qəzzanı “ələ keçirməli” və radikal HƏMAS hərəkatının “ora qayıtmamasını” təmin etməlidir. Tramp anklavı “dağıdıcı top”la müqayisə edib və onun sakinlərinin “gedəcək yeri” olmayacağını deyib. Dövlət başçısı yüz minlərlə fələstinlinin Qəzzadan zorla köçürülməsi ideyasını irəli sürür. Onun fikrincə, ərəb ölkələri onları ABŞ-la danışıqlardan sonra qəbul edib yerləşdirəcək. Tramp əmindir ki, fələstinlilər seçim imkanı olsa, Qəzzanı tərk edəcəklər. (Tass)
