Rusiya və onun ticarət tərəfdaşlarına qarşı tariflərin tətbiqi qlobal enerji bazarlarında fasilələrə səbəb olarsa, ABŞ neft hasilatını artıracaq. Bunu ABŞ prezidenti Donald Tramp Aberdindən Vaşinqtona uçan təyyarəsində jurnalistlərə açıqlamasında deyib.
“Mən bundan narahat deyiləm”, – Amerika lideri tariflərin tətbiq olunacağı təqdirdə neft bazarlarında sabitliyin pozulmasından qorxması ilə bağlı suala cavab verib. “Ölkəmizdə o qədər neft var ki, biz istehsalatı bir az da artıracağıq. Yəni, neftin qiyməti hazırda olduqca aşağıdır.” Amerika lideri həmçinin qeyd edib ki, tariflərin tətbiqi ilə bağlı hədələrinə Rusiya tərəfdən “heç bir cavab almayıb”. (Tass)