ABŞ Prezidenti Donald Tramp ABŞ Birgə Xüsusi Əməliyyatlar Komandanlığına (JSOC) Qrenlandiyaya hücum üçün ətraflı plan hazırlamağı tapşırıb. Bu barədə Britaniyanın həftəlik The Mail on Sunday qəzeti mənbələrə istinadən məlumat yayıb.
Qeyd olunur ki, Tramp Qrenlandiyanı “strateji mövqeyi və mineral sərvətləri”nə əsasən ilhaq etmək istəyir. O, əvvəllər dəfələrlə Qrenlandiyanın ABŞ-a qoşulmasının vacibliyini bildirib.
Tramp ilk prezidentlik müddətində Qrenlandiyanı satın almağı təklif etmişdi və 2025-ci ilin mart ayında onun ilhaq edilə biləcəyinə əminliyini ifadə etmişdi. Danimarkanın Baş naziri Mette Frederiksen bu iddiaları rədd edərək , adanın krallığın bir hissəsi olduğunu vurğulayır.