ABŞ prezidenti Donald Tramp Rusiyanın Ukraynadakı hərbi obyektlərə kütləvi zərbə endirməsindən narazı olduğunu bildirib və münaqişənin sülh yolu ilə həllinin tərəfdarı olduğunu deyib.
Amerika lideri “Truth Social”da yazıb: “Rusiyanın Kiyevə endirdiyi zərbələrdən narazıyam”. “Onlar lazım deyil. Və vaxt çox pisdir”, – Tramp iddia edib.
Bununla bağlı o, Rusiya prezidenti Vladimir Putini bu cür zərbələri dayandırmaq üçün göstəriş verməyə çağırıb. “Gəlin sülh sazişi bağlayaq”, – ABŞ administrasiyasının rəhbəri əlavə edib.
Rusiya Silahlı Qüvvələri bundan əvvəl Ukraynanın aviasiyasına, raket-kosmosuna, maşınqayırma və zirehli texnika sənayesinə, eləcə də raket yanacağı və barıt istehsalı obyektlərinə kütləvi hücuma keçib. Rusiya Müdafiə Nazirliyinin məlumatına görə, zərbənin məqsədlərinə nail olunub və bütün obyektlər vurulub.