ABŞ prezidenti Donald Tramp Suriya administrasiyasının yeni rəhbəri Əhməd əl-Şaraa ilə danışıqlar aparıb. Əl-Ərəbiyyə telekanalı xəbər verir ki , iki ölkə liderləri ABŞ-Körfəz Əməkdaşlıq Şurasının sammiti öncəsi Ər-Riyadda görüşüblər.
ABŞ və Suriya prezidentlərinin görüşü son 25 ildə ilk görüş olub. Tramp çərşənbə axşamı Səudiyyə Ərəbistanının vəliəhd şahzadəsi Məhəmməd bin Salmanın tələbi ilə Birləşmiş Ştatların Bəşər Əsəd hakimiyyəti dövründə Suriyaya qarşı tətbiq etdiyi sanksiyaları ləğv edəcəyini açıqlayıb.
Əbu Məhəmməd əl-Culani ləqəbi ilə tanınan Əhməd əl-Şaraa ABŞ-ın xüsusi təyinatlı terrorçular siyahısında qalır. Suriya prezidenti təyin olunmazdan əvvəl o, Suriya üsyançılarının koalisiyası Əsədi devirən İslamçı Heyət Təhrir əl-Şam qrupuna başçılıq edib.
Tramp vəzifəyə gəldikdən sonra ilk dövlət səfəri üçün çərşənbə axşamı Səudiyyə Ərəbistanına gəlib. ABŞ prezidenti Yaxın Şərqə səfəri çərçivəsində Qətər və Birləşmiş Ərəb Əmirliklərinə də səfər edəcək. (Tass)