ABŞ prezidenti Donald Tramp ticarət məsələlərini müzakirə etmək üçün Çin rəhbərliyindən zəng gözlədiyini bildirib.
Ağ Ev rəhbəri qeyd edib ki, o, Cənubi Koreya prezidenti vəzifəsini icra edən, Koreya Respublikasının baş naziri Han Deok Su ilə telefon danışığı aparıb və ticarət əməkdaşlığını müzakirə edib. ABŞ prezidenti Truth sosial şəbəkəsində yazıb: “Çin də sövdələşmə istəyir, həqiqətən istəyir, amma necə başlayacağını bilmir. Biz onların çağırışını gözləyirik. Bu baş verəcək”.
Aprelin 2-də Tramp 185 ölkə və ərazinin məhsullarına gömrük rüsumunun tətbiq ediləcəyini bəyan edib. Rusiya bu siyahıda yoxdur. Çinə münasibətdə Amerika tarifləri 34% səviyyəsində müəyyən edildi. Buna cavab olaraq Çin hakimiyyəti aprelin 10-dan etibarən ABŞ-dan idxal edilən bütün məhsullara 34% əlavə rüsum tətbiq edəcəklərini açıqlayıb.
Tramp bazar ertəsi bildirib ki, Pekin öz cavab tariflərini qaldırmasa, aprelin 9-dan etibarən Çin mallarına əlavə 50% rüsum tətbiq edəcək. (Tass)