Ukrayna bir çox ərazilərini itirib və bu ərazilərə nəzarəti bərpa etmək çox çətin olacaq. Bunu ABŞ prezidenti Donald Tramp Kiyevin Moskvaya güzəştləri barədə danışarkən deyib.
Amerika lideri Ağ Evin Oval kabinetində Norveçin baş naziri Jonas Qahr Støre ilə protokol görüşü zamanı jurnalistlərin suallarını cavablandırarkən “Onlar çoxlu ərazi itiriblər” deyib.
Tramp deyib ki, Krım 11 il əvvəl Barak Obama Ağ Evə rəhbərlik etdiyi vaxt Rusiyanın tərkibinə daxil olub. “Bunun mənimlə heç bir əlaqəsi yox idi. Krımın [Rusiyanın bir hissəsi oldu] 11 il əvvəl Obamanın dövründə bir güllə belə atılmadı, döyüş olmadı, heç nə olmadı. Sadəcə təhvil verdilər, indi isə “qaytara bilərsənmi?” deyirlər” Düşünürəm ki, bunu etmək çox çətin olacaq”.(Tass)