Bütün tərəflərin, o cümlədən Rusiya və Qərbin anlayışı həmişə belə olub ki, Ukrayna Şimali Atlantika Müqaviləsi Təşkilatının (NATO) üzvü ola bilməz. ABŞ-ın yeni seçilmiş prezidenti Donald Tramp bunu West Palm Beach (Florida) yaxınlığındakı Mar-a-Laqo malikanəsində keçirdiyi mətbuat konfransında deyib.
Ondan “Ukrayna heç vaxt NATO-ya daxil ola bilməz” mövqeyinə sadiq olub-olmamasına aydınlıq gətirməsi istənilib. “Mənim fikrim budur ki, bu, həmişə anlaşma olub. Əslində, mən onların [Rusiya və Ukraynanın] əvvəllər əldə edilmiş razılaşmasına sadiq olduğuna inanıram. Sonra ABŞ-ın hazırkı prezidenti Co Bayden onu pozdu. Onların bir razılaşması var idi. Ukrayna və başqaları üçün qaneedici olardı, lakin Bayden dedi: yox, siz NATO-ya üzv ola bilməlisiniz”, – deyə yanvarın 20-də vəzifəyə başlayan seçilmiş Amerika lideri cavab verib. (Tass)