ABŞ prezidenti Donald Tramp Konqresdəki Rotunda çıxışında amerikalı işçilərin və ailələrin maraqlarını qorumaq üçün ölkənin ticarət sistemini yenidən qurmaq niyyətində olduğunu açıqlayıb.
“Biz amerikalı işçiləri və ailələri qorumaq üçün dərhal ticarət sistemimizdə islahatlara başlayacağıq. Digər ölkələri zənginləşdirmək üçün vətəndaşlarımızdan vergi almaq əvəzinə, vətəndaşlarımızı zənginləşdirmək üçün xarici ölkələrə tariflər və vergilər tətbiq edəcəyik”, – Tramp bildirib.
Bu təşəbbüsü həyata keçirmək üçün beynəlxalq ticarətdən rüsumları, vergiləri və digər gəlirləri toplayacaq Xarici Gəlir Xidməti yaradılacaq. Prezident əmin edib ki, bu yolla ABŞ büdcəsinə xarici mənbələrdən “külli miqdarda pul” daxil olmağa başlayacaq və bu, federal hökumətin səmərəliliyini və səriştəsini bərpa etməyə kömək edəcək.(Tass)