ABŞ Ədliyyə Departamenti Konqresin bir neçə üzvünə Donald Trampın 2020-ci il prezident seçkilərinin nəticələrini nəzərdən keçirmək üçün “qeyri-qanuni” cəhdi ilə bağlı hesabat göndərib. Bu barədə Bloomberg mənbələrə istinadən məlumat yayıb.
Hesabatı hazırlayan xüsusi prokuror Cek Smitin sözlərinə görə, Tramp ABŞ prezident seçkilərində uduzmasına baxmayaraq, hakimiyyəti saxlamaq üçün qanunsuz cəhd edib. Bloomberg qeyd edir ki, sənəd daha sonra ictimaiyyətə təqdim olunacaq.
Reuters-in məlumatına görə , hesabatda Trampa qarşı məxfi sənədlərin düzgün saxlanmaması ilə bağlı iddialar da araşdırılır. (Tass)