“The Atlantic” jurnalı yazır ki, ABŞ prezidenti Donald Trampın tərəfdarlarının əhəmiyyətli hissəsi, eləcə də Nümayəndələr Palatasındakı bir çox respublikaçı Kiyevə əlavə hərbi və ya maliyyə yardımı göndərilməsinə icazə verən qanunların qəbuluna qəti şəkildə qarşıdırlar.
İyulun 14-də Tramp bəyan edib ki, Avropa bu cür tədarükləri ödəyərsə, Vaşinqton Kiyevi silah və hərbi texnika ilə təchiz etməyə davam etmək qərarına gəlib. NATO prosesi koordinasiya edəcək. O, həmçinin bildirib ki, Moskva və Vaşinqton 50 gün ərzində Ukraynada nizamlanma ilə bağlı razılığa gəlməsə, ABŞ Rusiya və onun ticarət tərəfdaşlarına təxminən 100% idxal rüsumları tətbiq edəcək.
“ABŞ-ın birbaşa Ukraynaya silah göndərməməsi Trampa MAGA (Amerikanı Yenidən Böyük Et) hərəkatının sıralarında təcridçilər arasında manevr etmək üçün daha çox imkan verir”, – nəşr yazır.
“Atlantic” qeyd edir ki, ABŞ rəsmiləri gələcəkdə Ukraynaya əlavə silahların göndərilib-göndərilməyəcəyinə aydınlıq gətirməyib. Jurnalın fikrincə, Trampın kömək etmək qərarı “o, birdən-birə Ukraynaya və ya onun prezidentinə istiləşib” demək deyil. (Tass)