Tunis hesab edir ki, Livanda noyabrın 27-də qüvvəyə minmiş atəşkəs razılaşması Fələstin xalqının məhv edilməsi müharibəsinə son qoymağa yol açmalıdır. Bu barədə Respublika Xarici İşlər Nazirliyinin “Facebook” səhifəsində dərc olunmuş bəyanatında deyilir.
“Tunis işğal olunmuş Fələstində Fələstin xalqını məhv etmək üçün aparılan müharibədə qan tökülməsinə son qoymaq üçün bu razılaşmanın zəruriliyini vurğulayır və beynəlxalq ictimaiyyəti siyasi, hüquqi və mənəvi məsuliyyəti öz üzərinə götürməyə və müharibəyə son qoymağa çağırır”, – mətndə qeyd olunur. Xarici İşlər Nazirliyi, həmçinin İsrail və şiə Hizbullah təşkilatı arasında imzalanan razılaşmanın “müharibənin yekun və hərtərəfli dayandırılmasına doğru bir addım olacağına və Cənubi Livan sakinlərinin təhlükəsiz şəkildə öz evlərinə qayıtmasını təmin edəcəyinə” ümid etdiyini bildirib.
Bəyanatda vurğulanır ki, Tunis “Fələstin xalqının heç bir məhdudiyyət müddəti olmayan qanuni, ayrılmaz hüquqlarının bərpasında qətiyyətlə və qeyd-şərtsiz dəstək verir və ən başlıcası öz müqəddəratını təyin etmək və müstəqil, suveren dövlət qurmaq hüququdur.