Tunisdə minlərlə insan Fələstin xalqına dəstək məqsədilə keçirilən həmrəylik yürüşünə qatılıb. Bu barədə Mosaique FM radiostansiyası məlumat yayıb.
Tunisin paytaxtının mərkəzi küçəsi Həbib Burqiba prospektində keçirilən dinc aksiyanı vəkillər təşkil edib. Onlara müxtəlif partiyaların fəalları, həmkarlar ittifaqı hərəkatlarının və vətəndaş cəmiyyətinin nümayəndələri qoşulub. İnsanlar Tunis və Fələstin bayraqları və böyük pankartlarla küçələrə çıxıblar.
Tunisdə izdiham saatlarla “Fələstin naminə”, “Müqavimət! Müqavimət! [İsraillə münasibətlərin normallaşmasına] yox!” şüarları səsləndirib. Yürüş təşkilatçılarının sözlərinə görə, respublika vətəndaşları “Fələstin xalqının ədalətli işinə, onun azadlıq və öz müqəddəratını təyinetmə hüququna dəstək ifadə etmək, həmçinin İsrail işğalçılarının hərəkətlərini qəti şəkildə pisləmək” üçün çıxış ediblər.
Cümə axşamı gecəsi, Tunis prezidenti Kays Səidin administrasiyası ölkənin “Fələstin məsələsinə dəstək verməklə bağlı dəyişməz mövqeyini” açıqlayıb. “Fələstin xalqının hüquqları heç bir halda sionist varlığın (yəni İsrailin – TASS qeydi) törətdiyi vəhşiliklərə görə pozulmamalıdır”, – kommünikedə qeyd olunub. (Tass)
