Türkiyə Hərbi Hava Qüvvələri çərşənbə günü axşam saatlarında İraqın şimalında əməliyyat keçirərək Kürdüstan Fəhlə Partiyasının (Türkiyədə qadağan olunmuş PKK) hədəflərinə zərbələr endirib. Bu barədə Türkiyə Müdafiə Nazirliyi X sosial şəbəkəsində (keçmiş Twitter) məlumat yayıb.
“Hava əməliyyatı yerli vaxtla saat 21:00- da həyata keçirilib, İraqın şimalında Metin, Qara, Avaşin, Hakurk və Qəndil bölgələrində terrorçuların hədəflərinə zərbələr endirilib, 19 hədəf məhv edilib , xüsusilə PKK rəhbərliyinin nümayəndələrinin yerləşdiyi güman edilən sığınacaqlar, anbarlar və xeyli sayda terrorçu məhv edilib”, – deyə məlumatda bildirilir.
Türkiyə PKK-nı milli təhlükəsizliyə əsas təhdid hesab edir. Türkiyə ordusu İraqın şimalında və Suriyada kürd yaraqlılarına qarşı vaxtaşırı əməliyyatlar keçirir və bölgədə böyük bir qoşun dəstəsi saxlayır. (Tass)