Türkiyə Daxili İşlər Nazirliyi Ankarada törədilən terror aktını törədənlərdən birinin respublikada qadağan olunmuş Kürdüstan Fəhlə Partiyasının (PKK) üzvü olduğunu bildirib.
“İstintaq zamanı terrorçulardan birinin şəxsiyyəti müəyyən edilib. O, separatçı terror qruplaşması PKK-nın üzvü olub. İkinci terrorçunun şəxsiyyətinin müəyyən edilməsi istiqamətində işlər davam etdirilir”, – deyə idarədən bildirilib. Daxili İşlər Nazirliyindən bildirilib ki, terror aktı zamanı “9,7 kq S-4 partlayıcısı, 3 əl qumbarası, 1 qumbaraatan, 1 ədəd “Glock” səsboğuculu tapança, həmçinin iki avtomat tüfəng aşkar edilib.
Departament aydınlaşdırıb ki, “oktyabrın 1-də saat 09:26-da (Bakı və vaxtı ilə üst-üstə avtomobillə Daxili İşlər Nazirliyinin binasının girişinə yaxınlaşan iki terrorçu tərəfindən hücuma cəhd edilib”. “Təhlükəsizlik qüvvələrimizin dərhal reaksiyasından sonra hücuma cəhd edən iki terrorçu zərərsizləşdirilib. Hadisə zamanı yaralanan iki polis qəhrəmanımızın müalicəsi davam etdirilir”, – nazirlikdən bildirilib. (Tass)
