Ankaranın mərkəzində Türkiyə Daxili İşlər Nazirliyinin binası yaxınlığında partlayış baş verib. Bu barədə CNN Türk telekanalı xəbər verib.
“Ankaranın mərkəzindəki Kızılay rayonunda partlayış səsi eşidilib. Partlayışın Daxili İşlər Nazirliyinin yaxınlığında baş verdiyi iddia edilir. Ətrafdakı yollar nəqliyyat üçün bağlanıb. Prezident mühafizəsi gəlib”, – məlumatda deyilir.
Türkiyə Daxili İşlər Nazirliyinin rəhbəri Əli Yerlikaya X sosial şəbəkəsində bildirib ki, saat 09:30-da (Bakı vaxtı ilə 10:30) “iki terrorçu avtomobillə Baş Mühafizə İdarəsinin qapısına gəliblər, terrorçulardan biri özünü partladıb, digər isə zərərsizləşdirilib. Atışma zamanı iki polis əməkdaşı yüngül yaralanıb.
Partlayışın səbəbləri aydınlaşdırılır.
