Türkiyənin xarici işlər naziri Hakan Fidan Cənubi Afrikanın iddiası ilə bütün dünyanı İsrailə qarşı Beynəlxalq Ədalət Məhkəməsindəki prosesə qoşulmağa çağırıb. Bu barədə o, İstanbulda jurnalistlərə açıqlama verib.
“Bütün dünya İsrailə qarşı soyqırım iddiasına qoşulmalıdır. İsraili qeyd-şərtsiz dəstəkləyənlərin hamısı onun Qəzzada törətdiyi cinayətlərə şərikdir. Qəzzada törədilən cinayətlər cəzasız qalmayacaq, gec-tez onları törədənlər cavab verməlidir”, – nazir deyib.
Türkiyə İsrailə qarşı prosesə qoşulmaq üçün avqustun 7-də Haaqa məhkəməsinə müraciət edib. Türkiyə lideri Rəcəb Tayyib Ərdoğan bundan əvvəl də dəfələrlə Yəhudi Dövlətinin Baş naziri Benyamin Netanyahunu “müharibə cinayətkarı” adlandıraraq, onun Qəzza zolağında insanlığa qarşı törətdiyi cinayətlərə görə məsuliyyətə cəlb olunmasının vacibliyini bəyan edib. (Tass)