Türkiyə Hərbi Hava Qüvvələrinə məxsus iki təyyarə Qəzza zolağının sakinləri üçün humanitar yardımla Misirə uçub. Bu barədə Türkiyə Müdafiə Nazirliyinin X sosial şəbəkəsində (keçmiş Twitter) səhifəsində yerləşdirilmiş məlumatda deyilir.
Mətndə qeyd olunur: “Oktyabrın 23-də həyata keçirilən iki uçuşdan sonra Hərbi Hava Qüvvələrimizin iki təyyarəsi humanitar yardımla bu səhər Ankaradan Misirə uçdu.
Qəzza sakinlərinə humanitar yardımların çatdırılması Türkiyə prezidenti Rəcəb Tayyib Ərdoğanın tapşırığı ilə həyata keçirilir. Bunlar əsasən dərman və tibbi avadanlıqlardır.
Bundan əvvəl Misirə planlaşdırılan dörd reys barədə məlumat verilmişdi. Lazım gələrsə, Fələstinə yardımın həcmi artırıla bilər. (Tass)
