Türkiyə silahlı qüvvələri Şimali İraq və Suriyada fəaliyyəti qadağan edilmiş Kürdüstan Fəhlə Partiyasının (PKK) 17 üzvünü zərərsizləşdirib.
“Silahlı Qüvvələrimiz İraqın şimalındakı Hakurk və Qara bölgələrində aşkarlanan 10 PKK terrorçusu ilə yanaşı, Suriyanın şimalında şəxsiyyəti müəyyən edilən 7 PKK terrorçusunu zərərsizləşdirib.
Türkiyənin daxili işlər naziri Əli Yerlikaya da öz növbəsində bildirib ki, yaz aylarında təhlükəsizlik qüvvələri Türkiyənin 11 vilayətində sığınacaq, mağara və anbarlar daxil olmaqla, PKK-nın 92 obyektini aşkar edərək məhv edib. “Separatçıların müxtəlif mağaralarının, sığınacaqlarının və anbarlarının məhv edilməsi əməliyyatları zamanı 495 kq partlayıcı maddə, 100 əldəqayırma partlayıcı qurğu, 1,6 min qoruyucu, 3,1 min ədəd müxtəlif sursat ələ keçirilib”, – o X sosial şəbəkəsində yazıb. Bundan əlavə bildirib ki, qumbaraatanlar üçün sursat və əl qumbaraları götürülüb. (Tass)
