Türkiyə kəşfiyyatı İsrail kəşfiyyat xidmətlərinə HƏMAS funksionerlərinin respublika ərazisində təqib olunacağı təqdirdə ciddi nəticələrlə bağlı xəbərdarlıq edib. Bu barədə TRT telekanalı kəşfiyyat mənbələrinə istinadən məlumat yayıb.
Mənbələr, İsrailin Türkiyə də daxil olmaqla Fələstin xaricində yaşayan Həmas üzvlərini təqib edəcəyinə dair mətbuatda yer alan məlumatlarla əlaqədar İsrail tərəfinə lazımi xəbərdarlıqların edildiyini bildirib. Bu cür hərəkətlərin “ciddi nəticələri” olardı.
Türkiyə rəsmilərinin öz növbəsində Anadolu Agentliyinə verdiyi məlumata görə, əvvəllər müxtəlif kəşfiyyat xidmətləri respublika ərazisində bu cür qanunsuz fəaliyyətlər həyata keçirməyə cəhd ediblər ki, bu da yolverilməzdir.
İsrailin Baş Təhlükəsizlik Xidmətinin (Şin Bet) rəhbəri Ronen Barın dekabrın 4-də “Kan” dövlət televiziyası tərəfindən yayımlanan sözlərinin audioyazısından belə çıxır ki, İsrail kəşfiyyat xidmətləri radikal Fələstin liderlərini məhv etməyə hazırdır. HƏMAS bütün dünyada, o cümlədən Qətərdə və Türkiyədə hərəkət edir. (Tass)