Ankara İsveçin NATO-ya üzvlüyü haqqında müqaviləni ratifikasiya etməyə tələsməmək qərarına gəlib. Bu barədə RİA Novosti Türkiyə parlamentindəki mənbəyə istinadən məlumat yayıb.
Mənbə aydınlaşdırıb ki, bu sənədin parlamentdə ratifikasiyası ilə bağlı səsvermənin vaxtı hələ müəyyən edilməyib.
“Tələsməyə yerimiz yoxdur. Bir-biri ilə əlaqəli proseslər var, biz onlara nəzarət edəcəyik. Bizə heç bir müddət üçün təzyiq yoxdur”, – Türkiyə parlamentindən bildiriblər.
Dekabrın 26-da Türkiyənin siyasi dairələrindəki mənbə bildirib ki, ABŞ-dan Ankaraya F-16 qırıcılarının satışı ilə bağlı müsbət xəbərə cavab olaraq İsveçin NATO-ya üzvlük ərizəsini ölkə təsdiq edəcək. (Lenta.ru)
