Türkiyə ordusu Fələstin-İsrail münaqişəsi zonasından insanları təxliyə etməyə və Qəzzada humanitar missiyanı davam etdirməyə hazırdır. Bu barədə Türkiyə Müdafiə Nazirliyindəki mənbələrə istinadən TRT Haber telekanalı məlumat yayıb.
Departament qeyd edib ki, bu günə kimi Qəzza sakinləri üçün Türkiyə Hərbi Hava Qüvvələrinə məxsus 3 təyyarə ilə Misirə humanitar yardım çatdırılıb. Bundan başqa, Türkiyə Hərbi Dəniz Qüvvələrinə məxsus gəmi də Liviyaya yardım çatdırıb.
Daha əvvəl xəbər verilmişdi ki, Türkiyə Səhiyyə Nazirliyinin rəhbəri Fahrettin Koca Misirin səhiyyə naziri Xalid Abdel Qaffar ilə telefon danışığında Ankaranın bölgəyə üzən xəstəxana göndərməyə, əgər belə bir vəziyyət yaranarsa, səhra xəstəxanası yaratmağa hazır olduğunu bildirib. (Tass)