Türkiyə Qərbin Rusiyaya qarşı tətbiq etdiyi sanksiyaları dəstəkləmir. Bu barədə Türkiyə Böyük Millət Məclisinin Beynəlxalq Əlaqələr Komissiyasının sədri Fuat Oktay məlumat verib.
“Türkiyə Rusiyaya qarşı birtərəfli sanksiyaları dəstəkləmir”, – deyə Halk TV siyasətçinin sözlərindən sitat gətirib.
Oqtay əlavə edib ki, Türkiyə Ukrayna münaqişəsinin tez bir zamanda dayandırılması və bu məqsədlə Moskva ilə Kiyev arasında danışıqların aparılması üçün səy göstərir. “Məqsədimiz Ukrayna və Rusiyanı danışıqlar masasına qaytarmaqdır, biz bu istiqamətdə irəliləyirik”, – deyə siyasətçi bildirib. O qeyd edib ki, bu barədə ABŞ Konqresindəki həmkarlarına məlumat verib. (Tass)
