Ankara və Moskva Rusiya prezidenti Vladimir Putinin səfərinin vaxtını vaxtı gələndə açıqlayacaqlar. Bunu TASS-ın sualını cavablandıran Türkiyənin Rusiya Federasiyasındakı səfiri Tanju Bilgiç deyib.
“Siz [Rusiya prezidentinin] mətbuat katibinin açıqlamalarından çıxış etməlisiniz, həm də Türkiyədən gələn bəyanatları izləməlisiniz. Vaxtı gələndə açıqlama verəcəyik”, – səfir bildirib.
Bilgiç qeyd edib ki, Rusiya və Türkiyənin xarici işlər nazirləri Sergey Lavrov və Hakan Fidan fevralın 21-22-də Braziliyada keçiriləcək G20 nazirləri çərçivəsində görüş keçirə bilərlər.
“Belə planlar barədə məlumatım yoxdur, lakin böyük ehtimal var. Ola bilsin ki, onlar [nazirlər] təkcə G20 çərçivəsində deyil, müxtəlif başqa hallarda da görüşəcəklər”, – diplomat qeyd edib. (Tass)