Türkiyə Suriyanın ərazi bütövlüyünə hörmət edir, Suriya probleminin həlli üçün danışıqlar aparır və hesab edir ki, qonşu ölkədə yeni konstitusiyanın tezliklə qəbulu buna şərait yaradacaq. Bu barədə CNN TÜRK telekanalında Müdafiə Nazirliyinin rəhbəri Yaşar Gülər məlumat verib.
“Bizim Suriya rejimindən gözləntilərimiz var. Suriya da daxil olmaqla bütün qonşularımızın sərhədlərinə və ərazi bütövlüyünə hörmət edirik. Biz danışıqlar aparırıq, o cümlədən Astana formatında. Biz açıq deyirik: konstitusiya qəbul edin. Əgər Suriya prezidenti Bəşər Əsəd qalib gəlsə, deyəcəyik ki, ya sizinlə danışıq aparacağıq, ya da seçkilərdə qalib gələnlərlə danışıqlar aparacağıq”, – deyə Gülər Suriya-Türkiyə münasibətlərinin nizamlanması ilə bağlı vəziyyətdən danışıb. (Tass)
