Türkiyə Xarici İşlər Nazirliyi respublikanın Hannoverdəki Baş Konsulluğuna hücumla əlaqədar Almaniyanın səlahiyyətli orqanlarına Türkiyə vətəndaşlarının və diplomatik nümayəndəliklərin təhlükəsizliyinin təmin edilməsində məsuliyyət daşıdıqlarını xatırladıb.
“Martın 26-na keçən gecə terror təşkilatı PKK (Türkiyədə qadağan edilmiş Kürdüstan Fəhlə Partiyası) tərəfdarları Türkiyə Respublikasının Hannoverdəki Baş Konsulluğunun girişinə hücum ediblər. Hadisə nəticəsində ölən və yaralanan olmayıb. Hücumdan sonra Almaniya rəsmiləri ilə əlaqə saxladıq və onlara “vətəndaşlarımızın və diplomatik nümayəndəliklərimizin təhlükəsizliyinə cavabdeh olduqlarını və Avropadakı türk icmasına qarşı təxribatlara yol verilə bilməyəcəyini” xatırlatdıq”, – Respublika Xarici İşlər Nazirliyinin bəyanatında deyilir.
Departamentin qeyd etdiyi kimi, “köşəyə sıxılmış PKK terror təşkilatı Avropadakı türk icmasına qarşı fəaliyyətini gücləndirir”. “Biz maraqlı dövlətlərin terror təşkilatı tərəfdarlarının hərəkətlərinə sıfır dözümlülük nümayiş etdirəcəyini və günahkarları ən qısa zamanda məsuliyyətə cəlb edəcəklərini gözləyirik”, – XİN bildirib.
(Tass)